蔡思貝成功將形象由「負變正」，當中走過一段黑暗日子，陪伴她的竟不是緋聞男友胡鴻鈞，而是近年合作無間的張振朗！她感激張振朗時刻在身旁提點，見證她的蛻變，非常感動。

她說：「感恩有張振朗同我並肩作戰，我嘅起起跌跌，佢都同我一齊過，有一段時間我狀態唔好，佢喺身邊提點我，提點都好花力氣，但佢願意承受，佢想我好，佢用心良苦去提點我，我永遠都唔會忘記，喺我需要佢嘅時候，都會喺我身邊支持我。」