疫情群組例中 森美被嘲「燈神」

日前生日的森美昨日為升學活動擔任嘉賓，冧爆指收到女兒親手炮製的提子乳酪做禮物：「犀利過『遮遮』（張敬軒家傭）煮嗰啲呀！但轉頭就見到佢煎緊日式蛋卷，話係佢自己嘅！」講到父母跳開社交舞，森美澄清2人非歌舞群組，但為安全計仍去做檢測。記者笑指他一家每次都受「疫事」牽連，包括父母坐「疫船」鑽石公主號、慶祝太太生日遇酒店群組等，他也不禁自嘲是「模範疫情代表」：「係正宗嘅香港人！次次都中！大家要齊心抗疫！」又自爆日前跟太太外出食飯慶生：「已經搵咗個好少人嘅地方。（邊度？你係燈神！）如果我有啲咩就即刻話畀大家聽！」