連詩雅陳家樂煮飯仔抗拒埋身

無綫節目《歡樂滿東華2020》昨晚假將軍澳電視廣播城舉行，此乃繼台慶後首個大型活動，逾百嘉賓藝人出席，鑑於新冠肺炎疫情嚴峻，無綫於現場特設2部智能消毒機械人及6個智能滅菌消毒機。在亮燈時，台上所有東華董事局成員均戴上口罩，台上藝人除了鄭俊弘等數人外，其餘均沒戴口罩，而司儀則全程戴透明口罩，其中陳百祥一度脫下口罩抖氣。

緋聞男女陳家樂、連詩雅（Shiga）成為焦點，更安排同一項目比併廚藝，Shiga被安排與菊梓喬一組，她受訪時談起工作滔滔不絕，惟提起家樂即渾身不自然，不斷扯開話題。提到之前被拍到一齊做運動、篤魚蛋，她直言：「唔講啦！都回應過，當日係約咗去郊外，食少少嘢啫。（好甜蜜喎！）今日唔講呢啲。（同家樂一齊好開心？）我同周柏豪一齊最開心，佢係我最愛嘅家人。」問到是否以後都不會與家樂合照？她表示：「將來事將來先算。（結婚先講？）咁遙遠，到時先算啦！」相反家樂卻表現大方，表明不介意合照，問是否公開關係？家樂笑說：「冇公開咩，希望大家畀啲私人空間，唔交代太多，我哋都會保持住呢個狀態，約吓做運動都幾開心。」

陳家樂與連詩雅比試廚藝，未知私底下可有一齊玩吓煮飯仔呢？	楊千嬅打頭陣演出，事前已講明不會接受訪問。	東華三院主席暨籌委會主席文頴怡小姐（左三）為籌款晚會揭開序幕。

周柏豪克服畏高

而前日宣布因疫情取消本月底跨年演唱會的楊千嬅打頭陣演出，之後有畏高的周柏豪站於錄影廠最高位置唱歌，不諱言是個大挑戰。對於舊拍檔千嬅個唱取消，柏豪大嘆可惜，又指因疫情關係，會做完檢測才返家見囡囡。鄧佩儀、丁子朗及郭子豪就表演踩燈膽，郭子豪透露為怕受傷專登着長襪保護，不過未有特別「護陰」，此項目最終籌得30萬元。

謝嘉怡挑戰孫玥

至於應屆港姐冠軍謝嘉怡昨日於拜神儀式時，對於同屆的廖慧儀前男友Sam輕生，她表示擔心對方，然而平日大家見面，對方未有談感情事。昨晚嘉怡與戴祖儀以排球新玩法挑戰前國家排球隊隊長孫玥，嘉怡表現落力，最終輕鬆勝出。