拍拖篤魚蛋 陳家樂 連詩雅翹實取暖
陳家樂與連詩雅（Shiga）的戀人關係已是公開的秘密，雖然口講低調，但曾被撞見拍拖行街，兩人又公然在社交平台打情罵俏，頻頻放閃。前日傍晚，他們又被讀者捕獲，2人在大埔墟港鐵站範圍的小食店買魚蛋，嗜辣的家樂要求辣魚蛋再加辣！近日天氣轉冷，不過着短褲的家樂有Shiga翹實暖笠笠，之後買外賣回家慢慢歎。
對於再被撞破拍拖，家樂說：「只係當日相約做運動，之後喺附近買啲小食。」Shiga亦口供一致：「大家放假約去郊遊，之後因為肚餓去買啲小食，就咁樣，冇咩想講，多謝大家關心。」
