黃宗澤升呢投資者 豪氣包直升機接送

黃宗澤熟悉馬國樓市，連高層都找他幫手。

邵氏劇集《非凡三俠》昨日舉行記者會，黃宗澤（Bosco）、陳豪、蔡潔與崔建邦等撐場，台上眾人戴着透明口罩，而早前台慶夜拍照時才肯除口罩的陳豪，昨日「照舊」除拍照外全程戴口罩，防疫意識甚高。無綫高層樂易玲在台上踢爆Bosco是投資者及「康樂組組長」，他急忙解釋：「我唔係投資者，係投資顧問！樂小姐想喺馬來西亞買樓，問我邊度好，咁我咪幫佢搵資料、畀啲意見。」至於被封「康樂組組長」，他透露因在馬來西亞朋友多，不時獲朋友請客，於是他借花獻佛兼安排直升機接送。

安排美食 槽肥蔡潔

劇中飾武術指導的崔建邦，事隔2年再拍劇大感興奮，指角色定位、衣着甚至說話口脗都是參考劇組的武術指導，被工作人員笑指他倆似足兄弟。蔡潔則透露與Bosco、張智霖有不少對手戲，很開心在戲中能被兩位男神包圍，又稱被Bosco槽肥了約2磅：「雖然只係拍咗短短一星期，但佢成日拎好多嘢食嚟拍戲！」有份參演的高海寧、張智霖、王浩信及沈震軒因身在北京，所以拍短片宣傳。

樂易玲（中）領軍宣傳，還在台上爆黃宗澤的「秘密」。	蔡潔自爆食得多美食致肥，睇落又唔覺！	陳豪影相時才肯除口罩，其後急急戴番。

• 張智霖（左）與王浩信拍片幫手谷劇。

另外，陳豪昨日連踩2場，還出席保健食品活動，問到現時可有擔心去人多地方？他說：「依家緊張啲戴口罩係為咗我同你，要大家一齊戴先有效。（小朋友都識抗疫？ ）係呀！我哋好早已同佢哋解釋新冠肺炎，要同佢哋講依家個世界係點、做人處事同價值觀。」講到近日再停課，他笑指有幫大仔溫習中文：「但我要開劇，要交畀太太（陳茵媺），但佢好頭痛，所以我哋都有請補習老師。」