艾妮睇張敬軒個唱 遺憾見唔到「遮遮」
英皇「發燒女聲」艾妮（Elly）昨日到新城電台為入圍歌曲拉票，她開心表示第1年派歌已經有好成績，翻唱歌曲《曖昧》及《送你一瓣的雪花》均榜上有名，希望可以於頒獎禮上攞獎。問到如何拉票？她表示會在社交網呼籲Fans投票，並考慮直播做Gym或倒立，認真有噱頭！
提到師兄張敬軒日前連開8場紅館騷，Elly表示睇足6場，每場都獲益良多，不過最失望是跟軒仔的外傭「遮遮」緣慳一面：「睇相見到大家好開心，但我就好唔開心！平時追開佢啲『早餐Post』，見到佢餐餐都食方包，好彩唔係我嘅『遮遮』，因為我戒咗澱粉質，唔食麵包同粥，所以啲早餐唔啱我，哈哈！」