簡淑兒演藝夢不死：我爬都要爬完！
有「仙氣女神」之稱的簡淑兒於新劇挑戰有錢律師角色，現實中被指是富家女的她，否認出身富裕，自爆小時候試過執二手傢俬用，入行後數年月入都只是數千元，但被人誤會大把錢而拖糧。雖然經歷一段寂寂無聞的窮日子，但外柔內剛的她揚言，就算爬也要爬完自己選擇的演藝路！
簡淑兒（Jessica）近年有不少演出機會，但大多演女兒或學生妹。最近她在無綫新劇《踩過界Ⅱ》有突破性演出，首次演專業人士做律師。她坦言開拍前已1年沒拍劇，面對新角色及融入《踩》劇原班演員，壓力非常大：「監製好擔心我做唔到，我自己都好擔心。不過王浩信、蔡思貝同張振朗好好人，經常會畀意見同鼓勵我，拍咗幾場已經融入到佢哋，覺得好爽。」又稱事前做足功課：「我有問律師朋友劇中條例嘅意思，明白咗內容，個氣勢都唔同啲。」
試過被拖糧
Jessica當過3年娛樂新聞台主播，當時月入只有數千元，要靠家人接濟，首次錄音及拍劇更因壓力太大而灑淚，但倔強的她從沒想過放棄：「條路係自己揀，遇到困難就放棄，我會唔甘心，亦同唔到家人交代，所以就算幾辛苦，我爬都要爬完。」幸好其堅持終有回報，自從拍攝處境劇《愛．回家之八時入席》後，工作漸見起色，收入由數千變數萬。
現實中被指富家女的她，坦言沒家庭負擔，但強調並非大富大貴：「我要努力工作賺錢，家人嘅錢唔係我嘅錢。」她曾被誤會家境較優而遭到不公平對待：「我試過比其他人遲出糧，或者買某啲用具，會問我攞番錢。」並自爆小時候家庭環境不好：「我試過要執二手傢俬用，因為真係買唔起！有捱過所以知道搵錢唔容易，唔會亂花屋企人嘅錢。」