李思欣性感開工 老公冇眼睇
藝人李思欣昨日以低胸晚裝上陣為代言的美容集團拍攝廣告，她表示在疫市下仍有工作分外開心，坦言已有大半年未有工開：「其實已經延期拍攝兩次，間美容公司仲畀另一間公司收購埋。（酬勞有冇唔同？）酬勞一樣，唔減價已經係加價。」
問到在搵食艱難的時刻，老公范振鋒有否放寬她的性感尺度？李思欣笑言：「唔會，我呢件衫都有畀佢睇過，佢由結婚開始，行禮時已經叫我拉高啲件婚紗，佢係保守派，我尊重佢。」而在廣告中，李思欣會有一件頭的泳裝造型，她承認平時甚少以泳裝示人：「我老公揸相機就得，着出嚟面對人就冇。（今日老公會唔會嚟監場？）我冇叫佢嚟，叫佢返屋企，費事我分心。」