「金槌拍賣官」金鈴於上月底生日，同時獲委任為新一任「香港島婦女聯會」主席，可謂「雙喜臨門」！日前她獲好友及家人慶祝，她笑指與老友鄭明明生日接近，以往均與大班朋友一同慶生，但今年因疫情關係，要遵守禁聚令，只能與幾位好友簡單慶祝，當中有鄺美雲、黃百鳴、高志森等，她說：「最驚喜係朋友送咗個金槌造型蛋糕畀我，好有心思。老公同一對小朋友總共送我3個蛋糕，個女喺我生日前幾日仲下咗『禁足令』，唔准我入佢間房，因為佢用幾日時間畫咗張心意卡畀我，好驚喜。」
