現年28歲的美國歌影視天后Selena Gomez，2年前因患上紅斑狼瘡症而導致腎衰竭，幸得好友Francia Raisa仗義捐腎保命。不過，換腎一事卻被一套剛推出的美國青春劇拿來大開玩笑，隨即令Selena的Fans不滿，在社交網爆粗狂鬧！
剛於上周推出的美國青春劇《Saved By the Bell》，竟然以Selena Gomez換腎一事大開玩笑，劇集其中一幕儲物室牆上被塗鴉寫上「Selena Gomez到底有冇腎臟？」，而另一場戲更離譜，竟然有2名飾演學生的女仔爭論到底誰人捐腎給Selena，其中1名學生說：「我知道Selena Gomez個腎捐贈者真相，係Justin Bieber（Selena前度男友）個阿媽。天呀，但願我手機喺度可以向你證明。」而另1名同學就回答她：「證明咩呀？證明你係白癡？嗰個係Demi Lovato個腎。同我哋一樣，佢哋係好朋友。」咁樣亂噏，難怪Selena的粉絲勁嬲，紛紛在網上鬧爆創作人竟然以此開玩笑，對Selena非常不尊重！
有粉絲在社交網上發起「尊重Selena Gomez」的標籤，有粉絲留言爆粗批評：「呢個節目搞乜Ｘ，竟然係咁針對Selena嘅健康？簡直係好令人反感同冇必要。」又有粉絲留言要求劇組向Selena道歉：「每年500萬至1,000萬人死於腎病，一個嚴重健康問題從來都唔應該當作笑話，停止利用Selena嘅苦痛嚟為你個爛劇賺錢。」
而製作劇集的Peacock電視製作公司即發聲明道歉，並表示將向Selena成立的研究紅斑狼瘡症基金捐款。至於捐腎給Selena的Francia亦有於社交網轉載相關報道，並留言回應：「感謝你嘅道歉，但唔好忘記捐贈者可能會因為你牆上寫住嘅字句而感到冒犯。」