黃榕爭冠軍拉猛男「陪訓」
已3度參選健美小姐的女星黃榕，為求在下月的賽事中爭冠軍，日前找來3名「小鮮肉」於公園「陪訓」。雖然當日公園人流眾多，但黃榕冇有怕，甫到場即揀選有利位置，火速脫至只剩Bra Top後便壓腿熱身，還把腿放於鐵架上拉成一字馬，之後又狂做引體上升，把雙腳提起至頭部位置，期間黃榕似力有不逮，即大叫幾聲為自己打氣。
之後黃榕停下稍作休息，幾分鐘充滿電後，便由2男協助下練習後手翻。上圍向來豐滿的她，「咪咪」於翻身時非常養眼，引得幾個原本於公園內閒逛的大叔眼望望。未知是否睇到興起，幾位阿叔輪流於黃榕身邊做運動，有人擘一字馬、單手上吊架，亦有人坐於鐵架上做Sit Up，像要向黃榕發出挑戰，不過正專心練習的黃榕沒有理會，故叔叔們騷完Quali後便離開。
比賽不容有失
黃榕受訪時笑指未有留意身邊有其他男士騷技能，更說：「因為太專心，走咗先聽到教練講，原來佢哋身手咁勁，錯過咗添！今次比賽不容有失，依家每日操2次重量訓練，一起身行45分鐘做帶氧運動，仲喪食碳水化合物。因為12月中先比賽，預計月頭開始淨係食蛋白質，到比賽前1星期開始脫水，到時係最辛苦。（今次有冇信心攞冠軍？）信心一定要有，會付出100%準備，希望真係得啦！」