陳約臨兼職講師傳授秘技
藝人陳約臨（Kelly）好學不倦，近日於香港珠海學院修讀「環球傳播」碩士課程，增值自己：「之前我都係呢度畢業，今次拎到全數獎學金，所以報讀碩士課程，因為可以邊返工邊讀書，我多數都係朝早未開工時上堂，所以依家暫時可以兼顧到。」
既是碩士生，Kelly亦是兼職講師，教授主持技巧：「因為學校見我成日做主持多，又見我係舊生，所以搵我返去教吓大家主持技巧，大學時代我都好鍾意聽人分享，所以希望啲學生都會聽我講嘢啦，哈哈！為咗教書同讀書，我仲特登配咗副抗藍光眼鏡，因為要成日對住電腦，希望可以保護番對眼！」