Dear Jane開騷 觀眾睇到喊

組合Dear Jane昨日舉行網上直播慈善音樂會，為自閉兒童籌款，主音黃天翱（Tim）的太太楊洛婷擔任音樂會主持，她更化身小粉絲不停歡呼。4位成員受訪時異口同聲表示未唱夠：「我哋之前都做咗2、3次直播騷，但只係得啲機器同我哋4個人，今日有工作人員同傳媒，聽到有幾個人嘅歡呼聲，自信即時返嚟，見到有人真係流淚。」雖然疫情未消停，但他們將如常於下月初推出大碟：「我哋已經有11年冇出過大碟，下次再出大碟可能係2030年。」