激咀袁偉豪 連詩雅：想快啲完！
連詩雅日前出席公開活動時透露，以客串身份亮相無綫劇集《使徒行者3》，基於角色於上一輯已被炸死，故今次只是回憶片段，主要與袁偉豪演對手戲：「今次再拍係多咗經驗，但冇諗過同一個唔熟嘅演員，第一場首個Shot已經要糾纏咁錫，錫足2分鐘！」
問會否唔畀緋聞男友陳家樂睇？她笑說：「都唔關事嘅。（要多角度拍攝？）講我用美色分散佢嘅注意力，有一下佢似望到目標，我就要移開佢個人，咪要錫住移動囉！都幾難，本身唔係好識動作戲，最終NG咗2次，大家都想快啲完！雖然之前見過幾次面，但講唔夠10句嘢。」