荷里活男星尊尼特普（Johnny Depp）因涉嫌虐打前妻影星安芭赫德（Amber Heard）令形象插水！近日有fans就上載5年前拍攝、從未曝光的片段，令他再成話題。
片段中尊尼以《魔盜王》（Pirates of the Caribbean）積克船長角色造型探訪兒童醫院，當時他的手指被包紮着，有小童問他發生何事？他似乎不怕嚇親細路，竟然說：「我隻手指？整傷得好嚴重，我食咗！我咬去手指頭，只係小小部分。我當時好肚餓！手指甲唔係咁好食。」其實尊尼曾於2015年與安芭爭執時令右手手指頭被削去，今年他在控告英國報章誹謗上庭作供時，表示手指頭是被安芭飛樽時割掉。