張敬軒浴袍撐場 容祖兒思鄉開Live爆喊
容祖兒今年7月開始到內地工作，疫情下她為免往返兩地接受隔離，所以至今仍未返港。昨日凌晨，祖兒趁推出新歌《東京人壽》，便開Live與粉絲聊天、唱歌，數分鐘即吸引4,000人觀看。一眾英皇好友蔡卓妍、關智斌、湯怡、許靖韻、泳兒、經理人Mani，甚至剛開完紅館騷的張敬軒亦有現身，異口同聲說想念她，令祖兒思鄉病發作，雙眼瞬間通紅，最後更忍不住流淚：「你哋唔好再話掛住我啦！我明明只係想開Live唱新歌！」
期間祖兒嘗試與軒仔連線，豈料鏡頭一開，就見軒仔穿着浴袍、頭髮濕透，他邊用手捉住浴袍邊怕醜說：「我喺浴室落緊妝呀！」逗得祖兒哈哈大笑：「好彩你有着衫！Bye Bye！」雖然軒仔「落湯雞」般，但為力撐好友照接Call，夠晒老友！
首次參與作曲
祖兒的新歌是跟樂隊Dear Jane（DJ）結他手Howie一起創作，之後2人齊直播分享作曲感受。首次作曲的她坦言是個挑戰，亦很欣賞Howie的才華：「寫歌期間經常去DJ嘅band房，有時其他成員都會陪我一齊哼歌。Howie好似老師，會用唔同嘅方法令到我輸出靈感，好多謝佢畀我嘅支持。」MV找來台灣導演執導，有份參與創作的祖兒說：「構思點樣用奇幻方式表達，例如以陀螺貫穿夢境與現實，令觀眾有無限聯想。」