洪永城澄清未求婚
洪永城（Tony）2017年與唐詩詠分手後，翌年被拍得戀上長腿新歡梁諾妍，去年底更「試婚」展開同居生活。昨日傳出2人關係再「昇華」，洪永城已求婚成功，待疫情過後便籌備婚事。
對此，洪永城受訪時說：「哈哈，Thx（Thanks），No la。（有冇結婚計劃？）當然要計劃啦！有進一步先可以同大家講。」女友梁諾妍亦同一口徑，笑說：「哈哈，好搞笑，點解我唔記得同唔知道Tony有向我求婚！我哋都好鍾意小動物，家庭成員Coco年紀開始大，想陪伴佢多點去不同地方散步，所以我哋一有時間就放低工作同Coco周圍去，順便拍吓拖，增進感情。結婚嘅事順其自然啦！可能有一刻大家心靈相通，會突然去旅行閃婚都唔定！」