傅穎北上隔離 攝時間操番腹肌
藝人傅穎、林德信與杜琪峯等昨日到北角出席新戲院開幕，傅穎透露下月初將到內地準備聖誕及跨年商演：「我會先去珠海隔離，之後就去廣州做嘢同拍戲，啱啱出咗國語新歌，到時演出就可以唱，差唔多都有成年冇演出。（收入大受影響？）有影響，好彩我都唔大使。」她又笑言隔離時有很多事可以做：「首先我會搵番個腹肌出嚟，又會不停拍片，同埋可以係咁睇綜藝節目同電影。」
林德信則透露近日改做戶外運動，但不會跟爸爸林子祥打高爾夫球：「佢啲時間好早，凌晨4點幾就出發，我冇可能起到身！」又透露早前獲王君馨邀拍MV，當中要騷上半身，只用2星期節食及不停操Fit。
