擔心「甲組腳」礙選美 謝嘉怡被老竇禁「足」為籌款破戒
港姐冠軍謝嘉怡的歌藝技「驚」四座，昨日出席籌款節目記者會時卻表明屆時不會獻唱，改以踢足球籌款，自爆童年時熱愛踢波但被父親阻止，擔心她變「甲組腳」影響選美。
謝嘉怡繼港姐決賽當晚獻唱一曲《上海灘》後，台慶夜再獻技唱出《萬水千山縱橫》，其歌藝引起不少回響。她昨日與陳曉華等到電視城出席《歡樂滿東華2020》記者會，與東華三院主席文頴怡一同揭開序幕。謝嘉怡預告當晚不會獻唱，選擇與藝人黃庭鋒表演踢足球，為慈善出一分力！她自爆讀小學及中學都有踢波：「已經冇踢10年！15歲嗰年爸爸唔鍾意我踢波，因為話踢得多腳會有肌肉，會腳粗！（因為佢要你參選港姐？）係呀！」提到早前在活動上疑似爆粗，問到今次會否加倍擔心，她說：「（今次）唔使講嘢嘅應該。」
伍允龍冇撞見鍾嘉欣
同場的藝人伍允龍透露當晚會表演功夫和刀法，又指早前返美國8個月陪伴父母，還幫爸爸開設的武館教拳。談到舊愛鍾嘉欣近日亦在港趕拍無綫劇集《兒科醫生》，問到有否見對方？他說：「我知佢返嚟拍劇，但冇撞過佢。」
至於歌手謝文欣被問到前男友謝可逸早前被指「劈腿」搭上失婚CEO，她表示新聞爆出時感到措手不及，與對方已經沒有聯絡。問到心情是否已經平復？她指事情已過去，並承認當時分手情緒跌入低谷，幸得同事關心，目前會專注音樂工作，期望真命天子來臨。