廖碧兒力撐 鼓勵堅持落去
韓君婷再戰江湖，身邊好友紛紛送上無限支持，曾與君婷合作的藝人廖碧兒，認為人生一定有上有落，鼓勵要堅持下去，對自己有信心，她說：「要對自己好啲，我都可能唔夠錫身邊嘅人，唔夠錫自己，就擺多啲時間喺之前疏忽咗或忘記咗嘅嘢，以及自己想做嘅嘢上面，享受自己人生多啲！」而與君婷相識10多年的王賢誌讚她有腦，強項是待人接物，好適合做KOL，他說：「當然支持，佢美容方面好在行，煮嘢食整甜品又叻，我覺得多管齊下，一定成功。」
至於君婷的同居密友蔡國威表示慶幸有一班充滿愛的朋友在她身邊，免鑽牛角尖，他說：「冇人會永遠一帆風順或永遠處於低谷，1個人面對唔到，就2個人、3個、4個、5個……一定可以戰勝到，美好前路等緊你，鬼妹（韓君婷）！慢慢享受行落去啦！」