藝人郭子豪在劇集《使徒行者3》中跟飾演反派的馬國明是師徒關係，劇中不乏槍戰場面，子豪稱拍攝不算辛苦：「因為只係槍戰，唔需要拳腳，所以好簡單。」不過，年底子豪拍攝的另一套劇集就有不少動作場面，他希望可以為觀眾帶來新鮮感：「我呢幾個月跟楊盼盼學功夫，佢搵咗好多唔同門派嘅人教我。（覺得自己有冇天分？）冇，所以惟有將勤補拙，希望學完至少可以踢到對手個頭。（咁犀利？）因為我生得高，搵個矮啲嘅對手，應該可以踢到，哈哈！」
