藝人蘇志威與老婆劉小慧視愛駒「駿王」如親生仔，之前愛駒因兩次心律不正，被迫退役，兩公婆送牠到新西蘭頤養天年，當時小慧哭成淚人，十分不捨。最近他們為了可以跟「駿王」近距離相見，不惜工本，千里迢迢讓愛駒「移居」澳門，待日後可以去內地馬術學校就近照顧，好讓「母子」經常相聚。
小慧受訪時表示：「我哋咁樣做，因為之前一直喺內地未搵到適合地方畀佢，感恩之後搵到一個環境好啱嘅地方，但係由新西蘭運去內地係一件非常複雜嘅事，惟有送去澳門賽馬會先。至於出唔出賽，要等澳門賽馬會決定，我哋係平常心。」問到前後花費多少？她說：「每程飛機都要6位數字，雖然比較昂貴，始終新西蘭太遠，一直希望搵個近嘅地方畀佢。以後我哋只要揸1個多鐘頭左右車，就可以見到佢。特別係兩個女知道呢個消息後，非常之開心。」