澳洲著名唱作女歌手Sia自編自導的音樂電影《Music》，首輯預告曝光。該片由她的舞蹈員契女Maddie Ziegler及荷里活女星姬赫遜（Kate Hudson）合演，雖然未播映，但選角方面已被網民批評！
Maddie片中飾演自閉少女，有網民批評Sia為何不找真正有自閉症的演員來演該角，44歲的Sia聞言即爆粗：「我有嘗試去搵，但我覺得用Maddie會好啲！呢個係我嘅決定。實在好X傷心，啲人根本未睇套戲。」有自閉症演員加入戰團狙擊她：「包括我在內幾位自閉症演員，全部都話過可以隨時演出。藉口就係藉口。」Sia亦不甘示弱反擊：「可能你只係個差勁嘅演員。」