游嘉欣狂NG 見前輩嚇到震
20歲的「後生女」游嘉欣憑無綫節目《#後生仔傾吓偈》上位，出道短短兩年已參與拍攝3套劇集，包括《使徒行者3》、《香港愛情故事》及《刑偵日記》，比其他「後生仔」率先跑出。現階段同時兼顧工作及學業的她，坦言未計劃大學畢業後的去向，但會用5年時間闖娛樂圈：「希望更多人嗌得出我個名，可以參加唔同節目，有更多出鏡機會。如果做到的話，都想繼續行落去。」
作為演戲初哥，她自爆拍攝《刑》劇時NG逾10次：「有啲對白唔係日常生活講嘅說話，有時講極都講唔出嗰幾粒字，當然有少少尷尬，因為有咁多大卡士演員在場。不過惠英紅、王浩信、黎諾懿冇怪我，反而安慰我。」她又笑言被姜皓文的霸氣演技嚇窒：「劇中佢係我上司，有場戲佢要發脾氣，嬲到拍枱掟嘢！我喺旁邊嚇到震，連續幾Take都忍唔到震！」