連詩雅減磅着透視裝見頭暈
連詩雅日前在經理人公司提議下着透視晚裝出席《萬千星輝賀台慶》，雖然她平日勤做運動Keep Fit，可是面對透視裝仍覺得是大挑戰：「台慶前3日先去試裙，嗰兩套晚裝真係好貼身同全身透視，仲有一條係白色嘅，只要多少少肉都唔好睇，加上第一眼見到條裙已經愛不釋手，又唔想浪費經理人公司同造型師一番心意，所以我決心3日要減4磅。」
由於同時她要趕拍新劇《金宵大廈2》，惟有在3天內喪跑共20公里，且1日3餐只可吃蛋白、雞胸及菜，她又分享極速減肥心得：「要喺短時間內減肥，令身形fit到達目標，一定要運動佔30%，仲有配合70%嘅飲食比例。」她出席台慶時曾感頭暈，但聽見不少人讚她着得靚，頓時充滿力量「頂」足全程，又自豪地說：「總算冇令造型師、經理人公司丟架。」