江欣燕不求富有：錢買不到幸福
繽FUN星網節目「金鈴12星X萬希泉」，一連12集訪問不同星座的藝人，由「金槌拍賣官」金鈴主持，最新一集的嘉賓是巨蟹座的江欣燕。對星座頗有研究的欣欣好錫屋企，也十分黐家，她說：「我屋企好簡單、好close，大家對愛會表達，會攬會錫。」早年離婚的她指前夫吳積遜是她人生當中一個經歷：「多謝對方陪我行咗我人生一個極大部分，見識到好多嘢、學咗好多嘢。」
期望到內地工作
說到目前感情狀態，欣欣承認有追求者，但她抱隨緣態度，不太心急再組織一個家庭，她說：「因為試過婚姻生活，知道係點，我依家覺得時間好珍貴，時間係屬於我，我唔會欠任何人時間，只欠我自己。」對於擇偶條件，她坦言想嘗試與不同類型性格男士交往，並認為對象有幽默感好緊要：「唔使好有錢，因為金錢喺世界唔會買到幸福嘅。」
近年重返娘家無綫的欣欣，接拍了幾部劇集，也希望將來有機會到內地工作，她說：「我以前去過內地做主持、拍過戲，但好短嘅時間，我想收山之前去內地做多啲唔同嘗試，內地有好多我欣賞嘅演員，好想同佢哋合作吓。」