歌手漢洋和譚嘉荃前晚再次合體開Live，獻唱《其實我介意》、《約定》等歌曲。提到漢洋早前因疫情關係損失7位數收入，他坦言情況尚未好轉，正積極尋找出路：「呢段時間同唔同Partner傾緊，可能做吓網絡銷售，多啲同網紅合作。」譚嘉荃則表示原定上月舉行的演唱會再度延期，初步計劃延至明年8月：「未有疫苗都唔敢再博，好似今次想博10月開，但只係畀5成觀眾入場，變咗唔係想像中嗰回事，就只好再退後啲。（打亂晒計劃？）亂晒，登台取消之外，原本計劃拍電影要停，諗住出歌都要取消。」
