胡諾言鴻運當頭 做李居明福將

藝人胡諾言近日為風水大師李居明的風水電影開工，胡仔指首天開工已獲師傅稱福將，令他受寵若驚：「師傅話我鴻運當頭，因為好多時啲老闆叫我工作，之後佢哋都會特別旺。我都想好似歐陽震華咁，畀人稱為福將！師傅又送咗個『大勝』字牌畀我，希望我長勝，小朋友健康、讀書聰明伶俐。今年疫情影響，工作量確實唔多，但幸好仲有工開。早前拍咗個健康食品廣告，反應幾好，依家又開新劇，希望之後樣樣都順利。」