甩骹未復原 林奕匡慘變「不舉」
歌手林奕匡（Phil）與李靄璣（Rikko）昨日以夫妻檔出席慈善攝影展開幕活動，問到Phil的甩骹傷勢，他坦言只復原7成，並自爆還是「不舉」：「對手仲未可以舉太高，影大合照嗰陣都搭唔到隔籬嘅膊頭。」
講到Phil去年遠赴非洲埃塞俄比亞完成10公里慈善跑兼探訪，Rikko大表羨慕，至於老公探訪返港後有何改變？她大爆對方以往「冇手尾」：「之前佢係會飲剩一啖水就擺喺度，依家就環保咗，同埋更加保護眼睛！佢做矯視前有檢查眼睛，發現視網膜穿咗3個窿，要即刻做手術，我近期去檢查都發現穿咗1個窿，但就可以自我修復。」