栢天男捱打接近死亡
藝人張繼聰、張建聲與栢天男於新片《逃獄兄弟》飾演獄友，雖然初來報到的天男受盡阿聲及譚耀文等人虐待，但後段卻各自有原因要離開監獄，故齊齊策劃逃獄大計。外表俊朗的天男坦言今次絕對是大考驗，基於導演要求反應逼真，再加上不乏除衫戲，所以經常於沒有護墊情況下捱打，當中一場更被阿聲等幾位獄友齊齊坐住打，又要掩住口鼻及插手指甲，不諱言當刻與死亡非常接近。
談到眾人合力逃獄，飾演小混混的阿聰笑指角色相對阿聲及天男等人較為輕鬆：「我唔使打，係最後一場海邊淋雨戲，因為返風淋到病，同埋要一齊爬風槽，當時因為要為另一套打戲增肥，成190幾磅，係我人生最重時拍，我覺得自己正面、側面同背面都橫，大家一齊跑我好論盡，我成個雪櫃咁，喺條槽度都驚，個個有番咁上下磅數，一跌落嚟就真係Last Shot。」而演慣監獄戲的阿聲為了一場與譚耀文的打戲，由170磅極速減到150幾磅，坦言非常辛苦。