姚子羚未揀定真命天子
藝人陳山聰、姚子羚、陳自瑤及劉穎鏇等昨日出席無綫新劇《大步走》宣傳，子羚對於被本報拍到與舊愛Raymond翻撻，有備而來的她未有正面回應，表示不再講感情事：「再咁寫身邊異性唔識約我食飯啦。（話你陷入4角戀喎？）熟悉我嘅都知我係咩人！（想感情事低調？）我嘅感情世界不嬲都低調。」談到被拍到約會也不承認，子羚坦言不想再講，認為將來真命天子出現，便會大方接受大家祝福。問到Raymond不是真命天子？她說：「真命天子就係同我步入教堂嗰個。」
同姊妹各有各做
另外，她的好姊妹胡定欣宣布簽約邵氏，子羚也戥對方高興，問會否跟隨姊妹加盟？她笑說：「無論邵氏定TVB都係拍嘢，只係形式上唔同，但我鍾意TVB嘅模式，自己份約仲有一段時間先完。」忙於為新劇《金宵大廈2》埋尾的山聰則表示將回歸做湊仔公，更指4個月的兒子很重磅，令太太有「媽媽手」。
至於陳自瑤被問到近日罕有讓女兒於社交網曝光，笑言是個美麗誤會：「佢拎咗我手機Upload，我2日後先知。」她亦讚女兒有演藝細胞，不介意母女檔上陣。