李昭南禁「肉」打拳操體能
藝人李昭南（Mishy）熱愛唱歌但苦無彈出機會，今年她毅然「停薪留職」，參加ViuTV節目《全民造星III》希望突圍而出。已入圍50強的她，為比賽積極備戰，密密做運動練氣，拋出36C驕人上圍打拳，更為比賽禁「肉」減磅，盡地一煲！
今年ViuTV節目《全民造星III》賽制大改革，招募不同性別兼已入行的藝人參加。ViuTV主持兼美國華埠小姐李昭南（Mishy）向來熱愛唱歌，更曾自資出歌，平時亦愛在社交網拍片分享，今次她豁出去，加入戰團，希望可以突圍而出。貴為ViuTV親生女的Mishy不敢怠慢，為比賽頻做運動操Fit自己，保持最佳狀態！
在前哨戰中以性感椅子舞迎戰的她，成功進入50強，為了練舞，她在比賽前已頻頻做運動。早前發現她到某健身中心，換上吊帶小背心及緊身褲，拋出36C驕人上圍，首先見她拳拳到肉打沙包，更打到面容扭曲，視覺效果跌蕩，打到流晒大汗，她便脫去外套繼續打，之後又做深蹲及拉筋等動作，加強訓練。雖然沒有教練在旁，但她仍自律做足1小時，非常勤力。做完運動她便轉戰超市，購買沙律菜、水果及小番茄，在購買時亦懶理途人目光，露出4吋「事業線」。她為比賽禁「肉」，希望食得清淡健康。
壓力大患甲亢
事後她接受本報電話訪問，自爆為參加《全》豁出去，更停薪留職專心參加比賽：「我本身係ViuTV藝人，但為咗比賽，所以停薪留職，完成晒手頭上公司畀嘅工作，就會專注比賽。」她亦自爆因半年冇放假，工作壓力大，患上甲亢：「《全》殺到埋嚟，想操Fit自己，過去半年冇放過假，再加上有甲亢，成個人好容易腫，所以都想Keep番。而且比賽要跳舞，需要體能，依家都有打吓泰拳、跑步練氣。」