吳若希晒兒子「全相」被嘲大細超

歌手吳若希（Jinny）於2017年誕下女兒Giselle，早前再誕下兒子Kylian，湊成「好」字。正在坐月的她，昨日在社交網分享兒子正面相並留言：「睡着時的小天使。」相中見Kylian頭髮濃密，手長長非常可愛，怎料卻引來網民不滿，指她大細超：「你大細超呀？你個女就矇住隻眼唔畀人哋睇到佢個樣，但反而個仔呢？就公開畀人哋睇個樣，呢個係咩玩法呀？」翻查紀錄，Jinny其實早年亦有上載過女兒的正面相，但隨着Giselle近年長大才用公仔遮眼，以保護愛女。