焗啃姐姐「硬狗」 張敬軒：掟都唔爛！

歌手張敬軒近日經常分享家中外傭姐姐炮製的「特色早餐」，次次有驚喜而成為網友熱話。繼白粥加腐乳及煎燶腸仔後，他前日發文指笑言見到曙光，終於有吞拿魚三文治做早餐！雖然賣相一流，卻空歡喜一場，皆因麵包太硬，他敲落碟邊時更「擲地有聲」，形容熱狗變硬狗，令他哭笑不得：「喺港島掟到上羅湖都唔爛，我有食晒，我冇硬，不過個包有，你畀把刀我做乜鬼，擺低把鋸吖嘛！」不少網友笑言「硬過我條命」，每日期待他的外傭早餐，帶給大家無限歡樂。