胡鴻鈞撼贏陳家樂接棒新版「初哥哥」

胡鴻鈞演得、唱得又入屋，包辦主角及唱主題曲。

無綫最近落實翻拍20年前的「神劇」《十月初五的月光》，2000年版本由張智霖與佘詩曼分別飾演「初哥哥」與「祝君好」，大受歡迎後更拍成電影版，同樣由2位好戲之人擔任主角。早前有傳無綫將力捧小花何依婷擔演「祝君好」一角，至於「初哥哥」文初一角則未有公布，隨即在網上掀起不少討論，劇迷更「開盤」估誰來接棒，熱門人物有周柏豪、胡鴻鈞、張振朗及陳家樂，其他人選還有何廣沛與吳偉豪等，其中呼聲最高的是陳家樂與胡鴻鈞。本報收到消息，最終由胡鴻鈞跑出成為新版「初哥哥」，因為無綫希望找演得、唱得又入屋的男藝人擔演，就如當年張智霖般包辦主角及唱主題曲。

據知，新劇於明年2月開拍，由於疫情關係未能到澳門拍攝，劇集背景將改為流浮山。除了男女主角已有人選，當年與「初哥哥」爭「君好」、由馬浚偉飾演的「司徒禮信」，將由羅天宇飾演；薛家燕飾演的「朱莎嬌（Q姨）」則由米雪飾演，但角色設定由「初哥哥」的養母變為他的祖母。

何依婷備受力捧，初次擔正便演新版「祝君好」。	陳家樂演得又入屋，只係輸在唱功！	張智霖與佘詩曼當年的《十》劇大受歡迎，成為經典。

未收到消息：壓力一定有

胡鴻鈞昨日受訪時坦言未收到公司通知，問到真的由他來演「初哥哥」，會否開心或感到有壓力，他說：「冇諗過！真係完全冇諗過，所以我都唔知點回應，因為我未收到消息。（當年播出有冇睇過？）我嗰陣應該只得10歲，冇好完整咁睇過，但《祝君好》首歌我係熟嘅，之前喺出面嘅商演都會唱。假若係真嘅，壓力一定會有，之前有咁超班嘅前輩演過，呢套仲係神劇！（要學手語喎！）如果呢個角色真係交到我手，除咗盡力做好之外，我暫時真係唔知其他嘢點！」

至於新版「祝君好」何依婷受訪時亦表示，若有機會的話會做到最好：「其實我自己都係睇報道先知，我只係知嚟緊會有新工作，但詳情我未知。如果公司畀機會我，我會好努力去演，暫時其他嘢我就未清楚住。」