苗僑偉（三哥）對黃日華的兄弟情，可謂兩肋插刀！對於黃日華經歷喪妻之痛，三哥受訪時表示：「做兄弟，梗係要多啲時間陪佢同開解佢，除咗呢啲都冇其他可以做。不過，我老婆三嫂（戚美珍）真係好錫華哥，呢段疫情期間，個個都留喺屋企食飯，三嫂咁大個女都未試過煮咁耐飯，所以咪叫埋華哥一齊食囉，三嫂又真係煮得好好食，食到佢變咗肥仔！（佢最拿手係煮乜嘢？）三嫂煮嘅海鮮意大利飯係華哥最鍾意食！」至於被「槽肥」的黃日華則笑言要與三嫂絕交。