黃芷晴陪整蠟燭：想爸爸有個寄託

芷晴昨日受訪時表示：「爸爸一直好鍾意做小手工，蠟燭係我之前上興趣班之後喺屋企整，見佢好有興趣，所以索性同佢一齊報咗蠟燭導師證書班，係朋友私人教授，覺得幾適合佢，可以陪佢之餘，又可以一齊增值，想佢有個寄託。佢最近都有將作品送畀媽媽、三哥三嫂（苗僑偉夫婦）等。三哥三嫂同輝哥輝嫂（張兆輝夫婦）都好支持佢，有時會拎一啲用剩嘅玻璃樽、精油畀佢做蠟燭材料，夠晒環保。依家疫情冇得出門，有個新興趣係好事，希望疫情過後再同爸爸去旅行。」