楊埕儲夠客 集資百萬開食店

藝人楊埕正式進軍飲食界！她早前小試牛刀做Omakase（廚師到會）成績不錯，故決定再下一城開實體店，已於上環物色靚舖及開始裝修，她說：「我做咗1年幾廚師到會，廚師、食材同配搭方面都熟晒，幾個股東傾過覺得可以開Omakase實體店，大家夾埋投資7位數字。今次揀嘅地方唔算好大，2層2,500呎左右，都係以私房菜為主，客路都係做番自己朋友。下層食飯，上層就有個酒吧，食完可以飲吓嘢、唱K，成班朋友玩吓。」楊埕又表示靠一班客戶朋友支持才去做：「做生意真係做耐咗先好做實體店，我見好多朋友做美容都係由網上開始儲客。」