余慕蓮患罕有血癌 鄧達智：知佢要換血
資深演員余慕蓮（魚毛）早前因肺纖維化而入院治療，病情曾一度惡化，需在ICU留醫及插滿喉，據其身邊人昨晨透露她患罕有血癌：「原本要打標靶藥，但醫生話唔可以打住，因為佢情況唔太好，所以要喺ICU同佢洗血。啲血嘅病菌傷害咗個肺，所以個肺好弱，要同佢插喉。」據知，魚毛的肺部暫時沒有惡化，院方將有營養師會診。
被問到好友是否患血癌，鄧達智說：「醫生有同佢咁講，但唔知佢有冇聽錯，我知道佢要換血，有啲嘢被感染。」契仔黃澤鋒則表示收到消息指魚毛有好轉，而林建明坦言擔心：「佢喺插喉前留言畀我話：『我依家要插喉，都唔知會唔會醒，希望醒番就有得見，但係好難講，唔見得咪第二世見囉，早抖！』」