以「港版特朗普」自居的藝人裕美男友林作，曾在社交網豪言表示如美國總統大選中由拜登贏出，就會「夜晚12點放工廣東道裸跑」，事後他受訪時疑一度縮沙表示「冇數可找」，至昨日他又在社交網聲稱：「未到最後一刻都不會裸跑。」但原來他已拍下裸跑片段，其中有截圖流出，見戴口罩的他半夜在街頭疑裸體狂奔，但下身的敏感部位則打「厚格」遮蔽。
昨日他接受訪問時大大聲稱「裸跑使乜驚」：「跑我就跑咗，我拍咗片添啦！依家係等幾時擺出嚟當找數，做定先，等唔好咁多人圍觀嘛，畀人捕到點算？」他愈講愈high，還爆粗說：「你估我真係驚，Ｘ，畀你估到仲係林作？」而裕美亦坦言已親手為有裸體癮的男友拍下裸跑片，問男友可擔心在公眾地方或公眾可見的情況下，猥褻暴露其身體任何部分即屬犯罪？她說：「佢絕對唔畏懼，佢話最緊要快。（裸跑時可有驚到縮？）佢話只有擴張，沒有退縮，佢好proud of佢身形，都癲慣o架啦！」