長居美國紐約的性感女神葉玉卿，與女兒胡芷欣日前親身投票給特朗普。現時選情明顯特朗普連任夢碎，葉玉卿昨日接受本報訪問，問到會否感到失望，她說：「雖然話特朗普會上訴查票，但都唔係咁簡單容易去推翻個結果。邊個贏，都係冇辦法改變嘅事實，都要接受，只係希望美國唔會變做一個社會主義制度嘅國家。只可以話，祝福啦！更加好嘅時候，唔會永遠，壞嘅時候，亦都唔會永遠。」
葉玉卿續表示在此非常時期，面對疫情及經濟等問題，無論誰上任當總統，應予以尊重：「你投邊個都好，都要尊重個結果同制度，應該要講公平同合理，唔係下下話要騷亂或暴動。」至於被網民攻擊甚至收死亡恐嚇的女兒胡芷欣有否感失望，葉玉卿說：「佢冇特別唔開心，無論輸贏都一樣要接受，佢唔係激進嘅人，係講道理，會尊重結果。」