Cheronna唔使爭有仔送花球
一對新人完成簽字儀式後，即進行姊妹團最期待的拋花球環節。事前揚言志在必得的陳瀅與蔡思貝突然擺Cheronna上枱，笑言睇好她搶贏花球，Cheronna愕然表示：「多謝。」之後祝新人早生貴子。
當何雁詩擰轉身拋花球，剛好落在賴慰玲囝囝腳下，他即拾起並轉送給「Cheronna姐姐」，賴慰玲笑言：「所以我個仔或者Cheronna下年會結婚。」問到可會傳授生仔絕技給新郎新娘？她笑言：「我話應該畀我個仔踩吓佢哋張床，我個仔好靈㗎！」育有兩女的陳嘉寶即自認是「受益人」：「我係其中一個覺得幾靈嘅人，佢個仔嚟我度玩，都踩過我張床。」