拜登勝出就裸跑 林作賴皮預咗走數
向來愛自製話題谷人氣的林作，見正值美國總統大選，在社交網發文自封「香港特朗普」，更稱要打賭，認為特朗普一定成功連任：「作為香港特朗普，我再次斷言：特朗普今次，都一定得。因為同香港一樣，美國政治需要有能力的明星。比起希拉妮，拜登弱10皮。民調？我呸。如果拜登贏出，我夜晚12點放工廣東道裸跑一段為佢贈興又點話？咁夠薑？係啊，因為根本唔會發生。」
昨日他接受本報訪問，問會否真的「找數」裸跑，他說：「首先我唔認為特朗普會輸，將場遊戲變成法庭嘅時候，結果嘅變數好大。如果最後被揭係不義令特朗普輸呢，我係冇數可以找。（如果唔認數，擔心畀網友鬧無賴？）公平公正地特朗普係輸咗呢場選舉，咁我咪裸跑囉！（預咗網民會再鬧你？）來吧！」
葉玉卿女兒接死亡恐嚇
另外，長居美國紐約的性感女神葉玉卿，與成年後首度投票的女兒胡芷欣齊齊投特朗普，胡芷欣在網上表態後屢受網絡欺凌，她晒出網民以侮辱字眼狂罵她的截圖，稱每日都收到死亡恐嚇，但仍堅持立場，認為大家應包容不同政見。葉玉卿認為女兒被攻擊反而是好的體驗：「可以睇到朋友嘅真面目，朋友話佢支持特朗普，等於係種族歧視者，因為話特朗普歧視中國人。其實你睇到有顏色，係你有種族歧視。我叫囡囡禮貌回應就算，有道理就得，唔需要忍氣吞聲。」