陳芷瑩風光背後 慘被鬧到喊
隨着演藝夢出師不利，Giann（陳芷瑩）轉攻KOL殺出一條血路，雖然收入豐厚，然而樹大招風，不時受到人身攻擊，曾經終日以淚洗面。Giann享受做老闆的感覺，對嫁有錢人不感興趣，只想自己做女王。
現年26歲的Giann，因貌似林依晨和楊冪，曾有娛樂公司邀她做歌手，但她不愛唱歌而斷然拒絕；不過她對做演員卻躍躍欲試，曾為微電影試鏡，可惜又告落選，結果專心做KOL的她，一做就8年，成為打得最長的一份工，有逾40萬粉絲，除主攻美容外，又是日本觀光局和阿布扎比觀光局旅遊大使。
高峰期月入6位數
人氣高，自然收入高？Giann笑言收入是公開秘密，高峰期月入6位數，維持多年，不過賺錢風光背後亦承受不少輿論壓力，她說：「話我矮囉！話我整容！根本唔係事實，我有同人講有做吊線，但就畀人話我割雙眼皮。（講邊樣最Hurt？）人身攻擊最Hurt，但我好少澄清，畀人留言狂鬧，都傷心㗎！靠身邊人安慰，叫我唔好介懷，因為實有人唔鍾意你。（有冇喊？）以前成日喊。」
目標做上市公司主席
隨着KOL愈來愈多，Giann萌起轉型念頭，年前開始着手跳出Comfort zone創立自己的品牌，與友人合資6位數，與日本藥廠研發美白丸及保濕系列，然而自家品牌與網紅工作有所牴觸，會否擔心影響收入？她笑說：「可能嚟緊我有7位數收入呢！目標做上市公司主席，哈哈！我享受做老闆，覺得型。（嫁個有錢人仲直接？）未必係你所想嘅幸福，我鍾意自己做女王感覺。」
Profile
身高：1米60
體重：40kg
三圍：32、24、32
嗜好：設計、彈琴