愛駒負傷出賽 劉小慧睇淡輸贏
藝人劉小慧與老公蘇志威昨日到山頂出席大富翁活動，蘇志威笑言原來一直玩錯晒：「其實一個鐘內可以玩晒，玩得精粹啲就更有趣味性。」問會否與女兒一齊玩，小慧說：「會呀！難得大家可以共同參與一件事，對屋企嘅連繫都係好，又可以訓練小朋友嘅思維清晰啲。」
談及新寵愛駒「蟲草天峰」日前首度落場，但輸了廿幾個馬位，左前腿又不良於行，提起此事，蘇志威有點黯然，小慧代答：「佢第一次出賽冇經驗，而且有少少拉傷，前腿又趷，不過屋企啲動物都好聰明，忍痛能力好高，會照衝，好彩佢都識停。雖然輸廿幾個馬位，但贏同輸唔係最重要，最緊要佢健康，依家等佢好番再操練。」