苗僑偉淆底唔敢強咀黃智雯
苗僑偉與黃智雯在台慶劇《使徒行者3》有場咀戲，大爆拍攝時唔敢亂嚟！而「爆Seed」林峯身在內地開工，昨日未能親身宣傳，被苗僑偉取笑有偶像包袱。
無綫台慶劇《使徒行者3》昨日在將軍澳電視城宣傳，出席演員包括苗僑偉、黃智雯、馬國明、蔡思貝等，而剛做老竇的林峯即場接受電話訪問，苗僑偉笑問：「開緊工定換緊尿片？」林峯窒一窒說：「開緊工呀！」主持問林峯做爸爸生活開心嗎？他笑說：「唔係問劇集㗎咩？開心，要更加努力工作，賺奶粉、尿片錢。」
偶像唔慣變爸爸
苗僑偉透露看過林峯囡囡的照片，覺得有點似林峯，待他返港再分享湊女經：「佢拍到過年，預咗返唔到嚟宣傳，一定要屈佢請食飯。（林峯避忌講囡囡？）偶像係咁，可能有啲避忌，不過都係開心嘢，又唔係未公開，可能未習慣啫！」而他與黃智雯的咀戲在內地版被删去，網民對此大感失望，他表示交由導演決定，刪剪或是為了加快節奏，又自爆為求真實感，拍攝時本想「突襲」黃智雯，但最終淆底：「最後都係同佢講聲，驚佢揼我，佢喺劇入面係武林高手。」黃智雯則揚言不知道香港版可有保留那幕咀戲，希望能當「彩蛋」播出。
蔡思貝咀戲任睇
至於蔡思貝與張振朗在劇中首次錫錫，有如韓劇般甜蜜，問會否叫緋聞男友胡鴻鈞睇，蔡思貝笑說：「個個朋友都會叫。（唔擔心佢睇到眼火爆？）唔會，大家係朋友，一定會支持，內地好鍾意我哋呢對虐心嘅CP。」
另外，談及《使3》已在內地及《myTV Gold》播出，馬國明的角色已被「劇透」會死去，問會否影響收看性，他說：「呢啲睇公司安排，同埋睇觀眾有冇心睇。」