丁可欣騷「蜜桃臀」撼贏鄧月平
藝人鄧月平（Larine）及「火雞姐」丁可欣（Yanki）昨日出席慈善相集活動，相集中Yanki身穿內衣微露事業線，更穿上T-back大騷「蜜桃臀」，她說：「想表達曲線美，女仔都可以好有力量，所以啲衫都性感。（操咗Pat Pat幾耐？）其實好難，都Train咗2年，影嗰陣都好尷尬，大家望住你個Pat Pat。」
而Larine在相中則以旗袍及「大戲」造型現身，她說：「我就加入咗演員元素，我身材一直都幾受注目，大家好似會Focus我身材多過演技，雖然我唔介意，但都想大家留意多啲我嘅內在，所以我揀大戲係因為有句說話『台上一分鐘、台下十年功』。（你造型最密實？）其實我都唔錫身㗎，旗袍都可以騷到線條。」
