46歲藝人嚴淑明轉戰台灣發展後，最近出書教人扮靚，並開設「嚴重愛美」平台分享扮靚秘笈，今次她提供收毛孔秘方：「首先要準備冰格同純正蒸餾水，做咗冰粒後，每次洗完臉就攞粒冰出嚟捽塊臉，我面同鼻頭都多大毛孔，咁我每次洗面後就捽幾下，然後等塊面Cool Down，之後就拍番收縮水、晚霜或日霜。大家照呢個方法，真係好神奇，因為毛孔係有記憶力，3日後就睇到自己皮膚嘅奇迹！」
