張學潤爆富豪 瞞老婆啜超級女星
繽FUN星網隆重推出全新節目《娛樂揞名爆》，請來於娛圈打滾多年的形象指導張學潤（Nel Nel）、藝人可宜及Kawaii，連續6集大爆娛圈秘聞。首集大談「啜爆夜場」，Nel Nel率先爆城中富豪竟背住藝人老婆，現身同志酒吧與另一超級女星暗角上演「車輪戰」，該女星更有正印男友，關係七國咁亂！他說：「呢個富豪本身都有幾兄弟，依家已經離咗婚啦！至於個超級女星一講名大家都會識，依家都結咗婚，老公仲要係圈中人。」
Kawaii隨即爆料，曾親眼目睹男神級藝人瞞女友，現身K房激咀超級經理人：「我識一對情侶都係藝人，有次男方話攰唔去飲嘢，點知我轉頭同另一班朋友唱K，一打開門就見到佢，仲同一個八面玲瓏嘅超級女經理人啜緊！」至於可宜自爆曾與新進女星開P時，慘遭著名監製「鹹豬咀」索吻，大呼蝕底！