藝人蔡宛珊去年因前夫Raymond與姚子羚爆出戀情而成為新聞人物，昨日又有消息指她介入紋身師傅Dust Wu的婚姻做「小三」。翻查Dust資料，他在2015年與台灣藝人林家璜（Kitty）結婚並育有一女，Kitty更不時在社交網站上載溫馨家庭照。然而蔡宛珊卻毫不避忌在社交網站上載與Dust運動的照片，更被拍到攬頭攬頸逛街，看來感情穩定。

昨日蔡宛珊接受本報電話訪問，大方承認與對方拍拖，更強調Dust現正辦理離婚手續：「佢同前妻分開咗成年，因為疫情關係，佢飛唔到去台灣搞埋啲手續，就好似我嗰陣同Raymond咁，都係今年8月先搞好晒啲文件，所以絕對唔係唔見得光。佢前妻都知道我哋一齊，佢有追蹤我社交網。」有傳其男友感情生活混亂，她坦言知情：「我都單身咗好耐，佢都花咗好耐時間去證明畀我睇，我冇理由判人死刑，我都諗咗好耐先接受佢。」